Özbəkistanda Xocalı soyqırımına həsr olunmuş “Mələklərin soyqırımı” poemasının təqdimatı olub

, 2024

Daşkənd şəhərində yerləşən tarixi “Turan” Kitabxanasında Xocalı soyqırımının 32-ci ildönümü ilə əlaqədar anım tədbiri və azərbaycanlı mərhum şair Oqtay İsmayıllının “Mələklərin soyqırımı” poemasının təqdimat mərasimi keçirilib.Tədbir Azərbaycan Respublikasının Özbəkistan Respublikasındakı səfirliyi və bu qurumun nəzdində fəaliyyət göstərən Heydər Əliyev adına Azərbaycan Mədəniyyət Mərkəzinin təşəbbüsü ilə baş tutub.

Özbəkistanda Xocalı soyqırımına həsr olunmuş “Mələklərin soyqırımı” poemasının təqdimatı olubhttps://t.co/dCxZV1EMrw #KhojalyGenocide #JusticeforKhojaly pic.twitter.com/shbyUFVcB0
— Azerbaijani Diaspora (@DiasporaAz) February 23, 2024

Tədbirdə Azərbaycanın Özbəkistandakı səfiri Hüseyn Quliyev, ölkəmizin və Türkiyənin bu ölkədəki səfirliklərinin diplomatları, Özbəkistanın elm, mədəniyyət və incəsənət xadimləri, alimlər, müxtəlif universitetlərin professor-müəllim heyəti, tələbələr və jurnalistlər iştirak edib.

İştirakçılar əvvəlcə Xocalı faciəsi, eləcə də Qarabağ münaqişəsi ilə bağlı kitab və fotoşəkillərdən ibarət sərgi ilə tanış olub.

Səfir Hüseyn Quliyev çıxışında 32 il əvvəl fevralın 25-dən 26-na keçən gecə Ermənistan silahlı qüvvələri tərəfindən həyata keçirilmiş Xocalı soyqırımı, Ermənistanın etnik təmizləmə siyasəti barədə məlumat verib və bu cinayəti törədənlərin hələ də cəzasız qaldığını bildirib.

Alim və tərcüməçi Babaxan Şərif çıxışında Xocalı soyqırımını Türk dünyasının ən böyük faciələrindən biri kimi dəyərləndirib.

Azərbaycan Mədəniyyət Mərkəzinin direktoru Samir Abbasov insanlığa qara ləkə olan Xocalı faciəsi haqqında danışarkən onun Xatın, Holokost, Ruanda, Srebrenitsa kimi soyqırımlardan fərqlənmədiyini bildirib. O, mərhum Azərbaycan şairi Oqtay İsmayıllının Xocalı faciəsinə həsr olunmuş “Mələklərin soyqırımı” poemasının Mədəniyyət Mərkəzinin dəstəyi ilə çap olunduğunu və poemanın “Ulu mədəniyyət beşiyi̇ – Azərbaycan” Xocalıya aparan yol”, “Azərbaycanlı ananın tərbiyəsi̇”, “Erməni̇ ananın tərbiyəsi̇”, “Qiyamətin başlanğıcı”, “Quzğun yığnağı”, “Cənnətdə görüşəri̇k”, “Məhşər”, “Xocalı alov i̇çi̇ndə”, “Babəki̇n ikinci̇ edamı”, “Zənci̇rlənmi̇ş uşaq”, “Xocalı səmasında ruhların söhbəti̇” və digər bölmələrində soyqırımın dəhşətli səhnələrinin təsvir olunduğunu bildirib.

Tədbirdə Əlişir Nəvai adına Daşkənd Dövlət Özbək Dili və Ədəbiyyatı Universitetinin tələbələri, habelə Bakı Slavyan Universitetinin Nizami Gəncəvi adına Daşkənd Dövlət Pedaqoji Universitetində təcrübə keçən tələbələrinin ifasında Xocalı faciəsi ilə bağlı bədii kompozisiyalar təqdim edilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/ozbekistanda-xocali-soyqirimina-hesr-olunmus-meleklerin-soyqirimi-poemasinin-teqdimati-olub-4245

Özbəkistanda Xocalı soyqırımına həsr olunmuş “Mələklərin soyqırımı” poemasının təqdimatı olubhttps://t.co/dCxZV1EMrw #KhojalyGenocide #JusticeforKhojaly pic.twitter.com/shbyUFVcB0
— Azerbaijani Diaspora (@DiasporaAz) February 23, 2024